ნიუ-იორკის ერთ-ერთ საავადმყოფოში სროლაში ეჭვმიტანილი პირი იდენტიფიცირებულია. იგი 45 წლის ჰენრი ბელოა, - ბრონქსის საავადმყოფოს ყოფილი თანამშრომელი, რომელიც პოლიციასთან შეტაკების დროს დაიღუპა. ნიუ-იორკის პოლიციის ოფიცერმა განაცხადა, რომ ეჭვმიტანილი თავის დაწვას ცდილობდა.

ადგილობრივი დროით დაახლოებით 15:00 საათზე, ლაბორანტის უნიფორმაში გადაცმული ყოფილი ექიმი ბრონქსის საავამდყოფოში შევიდა და ცეცხლი გახსნა, რის შედეგადაც ერთი ადამიანი გარდაიცვალა, ექვსი კი დაიჭრა.

ნიუ-იორკის პოლიციის ინფორმაციით, ჰენრი ბელო ბრონქსის საავადმყოფოში 2014 წლის აგვისტოდან 2015 წლის თებერვლამდე თერაპევტად მუშაობდა. იგი სამსახურიდან სექსუალური ძალადობის მცდელობისთვის გაათავისუფლეს. ნიუ-იორკის სასამართლომ მას თავის დროზე პირობითი სასჯელი შეუფარდა. 2004 წელს ჰენრი ბელოს წინააღმდეგ 23 წლის ქალმა საჩივარი შეიტანა. იგი ამტკიცებდა, რომ ბელომ მისი გაუპატიურება სცადა, თუმცა მაშინ ექიმი სამხილის არარსებობის გამო გაამართლეს.