"ნაციონალურმა მოძრაობამ" ვაკის მაჟორიტარობის კანდიდატი წარადგინა. თვითმმართველობის არჩევნებზე ვაკის მაჟორიტარულ ოლქში პარტიის მხრიდან კენჭს კოტე იოსელიანი იყრის, რომელიც წარსულში ფინეთში საქართველოს სრულუფლებიანი ელჩის პოსტს იკავებდა. იოსელიანი "საქართველოს უნივერსიტეტის" ლექტორია.
მოსახლეობას საკრებულოს წევრობის კანდიდატი "ნაციონალური მოძრაობის" მერობის კანდიდატმა, ზაალ უდუმაშვილმა და პარტიის ყოფილმა კანდიდატმა, ნიკა მელიამ წარუდგინეს.
"დარწმუნებული ვარ, რომ ვაკე იტყვის გადამწყვეტ სიტყვას ამ არჩევნებზე",- აღნიშნა ზაალ უდუმაშვილმა.
მისი თქმით, ვაკეში საგზაო ინფრასტრუქტურასა და თვითნებურ მშენებლობებებს უნდა მიექცეს ყურადღება. მან "სითი პარკის" ჯარიმებისა და უბანში მწვანე ნარგავების გაჩეხვის პრობლემაზეც გაამახვილა ყურადღება.