დღეს საზოგადოებრივ მაუწყებელზე დიდი ფეხბურთის დღეა:

2-დან 15 ივლისამდე თბილისი და გორი 19-წლამდელ ფეხბურთელთა ევროპის ჩემპიონატს უმასპინძლებენ.

დღეს, ორი მატჩი გაიმართება: A ჯგუფში თბილისში, მიხეილ მესხის სახელობის სტადიონზე, 17:30 საათზე შვედეთი ჩეხეთს შეხვდება, ხოლო ჩემპიონატის გახსნის მატჩი გორში, თენგიზ ბურჯანაძის სახელობის სტადიონზე გაიმართება - 20:00 საათზე საქართველო პორტუგალიას დაუპირისპირდება.

საზოგადოებრივი მაუწყებელი ორივე შეხვედრის პირდაპირ რეპორტაჟს შემოგთავაზებთ.

საზოგადოებრივი მაუწყებელი დღეს კონფედერაციათა თასის გადამწყვეტ შეხვედრებსაც შემოგთავაზებთ: მე-3 ადგილისთვის პორტუგალია მექსიკას 15:50 საათზე შეხვდება, ხოლო ფინალში, 21:50 საათზე ერთმანეთს გერმანიისა და ჩილეს ნაკრებები დაუპირისპირდებიან.