გერმანიის ქალაქ დორტმუნდში მიმდინარე ევროპის ახალგაზრდულ ჩემპიონატზე საქართველოს ბერძნულ-რომაული სტილით მოჭიდავეთა ნაკრებმა ოთხ წონაში 2-2 ოქრო და ბრინჯაო მოიპოვა.

ევროპის ჩემპიონის ტიტული 50 კილოგრამში, რამაზ სილაგავას ერგო, ხოლო 60 კილოგრამში - ლერი აბულაძეს.

ბრინჯაოს მედლებს კი 74 კილოგრამში ბექა მამუკაშვილმა და 96 კილოგრამ წონით კატეგორიაში - გიორგი ბარბაქაძემ მოიპოვეს.

დორტმუნდში ევროპის ჩემპიონატი დღეს დასრულდება. მედლები დარჩენილ ოთხ წონით კატეგორიაში გათამაშდება.