სასტუმრო „რედისონ ბლუ ივერიაში“ საქართველო-ყაზახეთის ბიზნეს-ფორუმი გაიმართა.
ბიზნეს-ფორუმის პირველი ნაწილი ყაზახური კომპანიების პრეზენტაციებს დაეთმო, ღონისძიების მეორე ნაწილში კი, ბიზნეს-სექტორის წარმომადგენლებმა ორმხრივი შეხვედრები გამართეს.
ყაზახურ ბიზნეს-დელეგაციაში რამდენიმე სექტორი იყო წარმოდგენილი. კერძოდ, საკვები პროდუქტები, სამშენებლო მასალები, საინჟინრო სექტორი, ფარმაცევტიკა, მეტალურგია, შეფუთვა და ქიმწმენდა.
დელეგაციის შემადგენლობაში წარმოდგენილი იყო ასევე 20-მდე ყაზახური კომპანია. ფორუმზე დასწრებისა და ბიზნესის ორმხრივ შეხვედრებში მონაწილების სურვილი 75-მდე ქართულმა კომპანიამ გამოთქვა.
ამასთან, ყაზახეთის ბიზნეს-დელეგაცია ვიზიტის ფარგლებში შეხვედრებს სახელმწიფო ორგანოებთან მართავს. ერთ-ერთი მთავარი თემა სახელმწიფო შესყიდვებში ყაზახური კომპანიების მონაწილეობაა.