10 არასამთავრობო ორგანიზაცია პრეზიდენტის პასუხს ელოდება. მესამე სექტორი გიორგი მარგველაშვილს სთხოვს, თვითმმართველობის კოდექსში შესულ ცვლილებებს ვეტო დაადოს.

რეგიონული განვითარების სამინისტროს მიერ მომზადებული და უკვე დამტკიცებული კანონპროექტის მიმართ უფლებადამცველებმა საკუთარი პრეტენეზიები პრეზიდენტის მრჩეველს და საპარლამენტო მდივანს გააცნეს.

მესამე სექტორში ამბობენ, რომ სამი წლის წინ მიღებულ რეფორმაში ცვლილებები მოსახლეობასთან კონსულტაციების გარეშე შევიდა. დავის საგანია დოკუმენტი, რომლის მიხედვით, თვითმმართველი ქალაქების რაოდენობა 12-დან ისევ 5-მდე მცირდება, დარჩენილი შვიდი ქალაქი მუნიციპალურ თემთან გაერთიანდება.

კანონპროექტის მიმართ შენიშვნები პრეზიდენტის ადმინისტრაციაშიც აქვთ.