უკვე მეორე მასშტაბური ხანძარი ბოლო ექვს თვეში: ელიავას ბაზრობაზე გაჩენილი ხანძრის შედეგად 2 500-მდე კვადრატული მეტრი ფართობია დამწვარი. ავტონაწილების სავაჭრო ცენტრისთვის მიყენებული ზარალის მოცულობას ამ წუთებშიც ითვლიან. წინასწარი მონაცემებით, განადგურებულია 30-მდე მაღაზია.

რამდენიმესაათიანი ლოდინის შემდეგ დაზარალებულ მოვაჭრეებს შემთხვევის ადგილზე შესვლის უფლება მისცეს. გუშინ საღამოს გაჩენილი ცეცხლის სრულად ჩაქრობა ოთხი საათის შემდეგ მოხერხდა. ახლა გამოძიება ადგენს, რამ გამოიწვია ხანძარი, რომელიც ავტონაწილების მაღაზიიდან გავრცელდა.