შვეიცარიის ქალაქ მალმეში სროლის შედეგად სამი ადამიანი დაშავდა.

გამოცემა „სიდსვენკანის“ ინფორმაციით, შემთხვევა ერთ-ერთი მაღაზიის სიახლოვეს, ადგილობრივი დროით, 20:07 საათზე მოხდა.

დაშავებულთა ასაკი 20-დან 30 წლამდე მერყეობს. მედიკოსების განცხადებით, ორი მათგანის მდგომარეობა მძიმეა, მესამეს კი შედარებით მსუბუქი ჭრილობები აღენიშნება.

სამივე დაშავებული ნარკოტიკული საშუალებების მოხმარების გამო, სამართალდამცველების ყურადღების ქვეშ ადრეც მოექცა. ერთ-ერთი მათგანი ქალაქ ლუნდაში მედდაზე თავდასხმისა და მორფინის გამოძალვის გამო ადრე ნასამართლევია.

სამართალდამცველები ვარაუდობენ, რომ ცეცხლი ორმა პირმა გახსნა. ისინი დანაშაულის ადგილიდან მოპედით მიიმალნენ.