4 ივლისი, 2017
•ელიავას ბაზრობაზე გაჩენილი ხანძრის შედეგად დაზარალებული მოვაჭრეები დღეს თბილისის ვიცე-მერს შეხვდებიან.

•თბილისის მერია ხანძრის შედეგად დაზარალებული მოვაჭრეებისთვის კომპენსაციების გაცემას ამ ეტაპზე არ აპირებს.

•უბედური შემთხვევა მოხდა ურეკში. ზღვამ 57 წლის მამაკაცის ცხედარი გამორიყა.

•დღეს განახლდება ე.წ. ციანიდის საქმის არსებითი განხილვა. თბილისის საქალაქო სასამართლოში სხდომა 11 საათზეა ჩანიშნული.

•დემირელის კოლეჯის მენეჯერისთვის ლტოლვილის სტატუსის მინიჭების საკითხთან დაკავშირებით ემრე ჩაბუქის მეუღლე ადვოკატებთან ერთად დღეს ლტოლვილთა და განსახლების სამინისტროსში გასაუბრებაზეა დაბარებული.

•არასამთავრობო ორგანიზაციების წარმომადგენლებს აქვთ მოლოდინი, რომ საქართველოს ადგილობრივი თვითმმართველობის კოდექსში შესატანი ცვლილებების შესახებ კანონპროექტს პრეზიდენტი ვეტოს დაადებს.

•დღეს გაიმართება საზოგადოებრივი მაუწყებლის ტექნიკური გადაიარაღების გეგმის პრეზენტაცია.

•ერთიანი ეროვნული გამოცდების მეორე დღე.

•გარემოს ეროვნული სააგენტოს ცნობით 5 ივლისამდე საქართველოს ტერიტორიაზე ცხელი და უნალექო ამინდია მოსალოდნელი.

•,,ევროპული საქართველოს” მერობის კანდიდატმა ელენე ხოშტარიამ და პარტიის ლიდერმა გიგი უგულავამ ნაძალადევის რაიონის მოსახლეობას რაიონის მაჟორიტარი დეპუტატობის კანდიდატი შოთა ქურდაძე წარუდგინეს.

•ახალი პოლიტიკური ცენტრი გირჩი 25 ათასი ხელმოწერის შეგროვების შემთხვევაში მერობის კანდიდატად ზურაბ ჯაფარიძეს წარადგენს.

•მიკროსაფინასო ორგანიზაცია ,,საქართველოს” დაზარალებულები მთავრობის ადმინისტრაციასთან მე-9 დღეა შიმშილობას განაგრძობენ.

•ჩრდილოეთ კორეამ საშუალო მოქმედების რადუსის მქონე მორიგი ბალისტიკური რაკეტა გაუშვა.

•ფრანგმა სამართალდამცველებმა Eემანუელ მაკრონზე თავდასხმის მზადებაში ეჭვმიტანილი 23 წლის მამაკაცი დააკავეს. ის ქალაქ არჟანტეას მკვიდრია.

•ბრიტანელმა სამართალდამცველებმა ეროვნულ კრიმინალურ საააგენტოსთან ერთად საფრანგეთის საზღვარზე მიკროავტობუსი გააჩერეს, რომლითაც ქვეყანაში 79 ერთეული ცეცხლსასროლი იარაღის უკანონოდ შეტანას გეგმავდნენ.

•ბოსტონში ავტომობილი ფეხით მოსიარულეებს დაეჯახა.

•შეერთებული შტატების პრეზიდენტმა გერმანიის კანცლერთან სატელეფონო საუბრისას “დიდი ოცეულის” სამიტის დღის წესრიგი განიხილა.

•პოლკოვნიკ ბესიკ ქუთათელაძის სახელობის საჩხერის სამთო მომზადების სკოლაში ზაფხულის საბაზისო კურსი მიმდინარეობს.

•ზუგდიდის მუნიციპალიტეტში მარტოხელა, ხანდაზმულ მოქალაქეებზე სპეციალური მობილური ჯგუფი იზრუნებს.

•„საზაფხულო სკოლების“ პროგრამის ფარგლებში მანავის ბანაკს მოსწავლეების პირველი ნაკადი ესტუმრება.