ბრალდების მოწმეების გამოკითხვით გაგრძელდა დღეს ე.წ. ციანაიდის საქმის განხილვა საქალაქო სასამართლოში. პროცესზე 15-მდე მოწმე დაიკითხა. მათ შორის სპეციალისტები, რომლებმაც ბრალდებული დეკანოზის სახლში აღმოჩენილი ცეცხლსასროლი იარაღი შეისწავლეს.
მათი განცხადებით ის კუსტარულად არის დამზადებული და გამოყენებისთვის ვარგისია.
იარაღის ეპიზოდზე გამოძიებასთან კითხვები აქვს დაცვის მხარეს. მამა გიორგი მამალაძის ადვოკატებს აინტერესებთ, რატომ არ ჩატარდა ნივთმტკიცებაზე დამატებითი ექსპერტიზა, კონკრეტულად კი, თითის ანაბეჭდებისა და დნმ-ის კვალის მოსაპოვებლად.
უფლებადამცველები დაკავებულზე დაყრდნობით აცხადებენ, რომ მამა გიორგის იარაღის შენახვა საქმის მთავარმა მოწმემ ირაკლი მამალაძემ სთხოვა.
სხდომაზე თბილისის სახელმწიფო უნივერსიტეტის პროფესორებსაც მოუსმინეს. საკუთარ ჩვენებაში მათ ქიმიური ნივრთიერება ციანიდის გამოყენების შესახებ ისაუბრეს.
მოწმეებმა დაადასტურეს, რომ ის საოქრომჭედლო საქმეში გამყენება. პროცესზე გამოკითხული ექსპერტების ნაწილმა საქმეში არსებული ვიდეოჩანაწერების ავთენტურობაზეც ისაუბრა.