პრეზიდენტის და ოპოზიციის მოთხოვნის მიუხედავად, საკონსტიტუციო რეფორმა არ შეჩერდება. ასეთი პოზიცია აქვს პარლამენტის თავმჯდომარეს, რომელიც სტრასბურგში შეხვედრებს მართავს. ირაკლი კობახიძე პროცესს წარმატებულად, მის შეწყვეტას კი არასწორად მიიჩნევს.

სწორედ საკონსტიტუციო ცვლილებების პროექტი იყო განხილვის ერთ-ერთი თემა ევროსაბჭოს საპარლამენტო ასამბლეის გენერალურ მდივანთან.

შეხვედრები ევროპარლამენტის პოლიტიკურ ჯგუფებთან ხვალაც გაგრძელდება. ხვალვე დაგეგმილია ევროკავშირი-საქართველოს მეგობრობის ჯგუფის პირველი სხდომა, სადაც ირაკლი კობახიძე სიტყვით წარდგება.