გარემოს დაცვის სამინისტრო გაერო-ს მხარდაჭერით ახალ პროექტს იწყებს, რომლის მიზანია ნარჩენების მდგრადი მართვის ხელშეწყობა და მწარმოებელთა ვალდებულებების შესახებ ინფორმაციის გავრცელება.
ნაჩენების მართვის კოდექსი რიგ ახალ ვალდებულებებს აკისრებს როგორც საჯარო, ასევე კერძო სექტორის წარმომადგენლებს. სწორედ ერთ-ერთი ასეთი ვალდებულებაა მწარმოებლის გაფართოებული ვალდებულების შემოღება.
ახალი ინიციატივის თანახმად, პროდუქტის მწარმოებელი ვალდებულია მინიმუმამდე დაიყვანოს ის უარყოფითი გავლენა გარემოზე, რომელიც შეიძლება წარმოიშვას პროდუქტის მოხმარებისა ან განადგურების შედეგად.
პირველ ეტაპზე პროექტის ფარგლებში განხორციელდება ელექტრონული და ელექტრული ნარჩენების მართვის კონცეფციის შემუშავება.
ახალი ინიციატივა ძალაში 2019 წლის პირველი დეკემბრიდან შევა.