ვიცე-პრემიერი, განათლების მინისტრი ალექსანდრე ჯეჯელავა ტექნიკურ უნივერსიტეტს ეწვია და საქართველოს ტექნიკური გადამზადების ცენტრის ფარგლებში მოწყობილი თანამედროვე ლაბორატორია დაათვალიერა. მინისტრ მასწავლებელთა გადამზადების პროცესს გაეცნო. ტექნიკური გადამზადების ცენტრის რეკონსტრუქცია სახელმწიფი ბიუჯეტიდან დაფინანსდა, ხოლო მასწავლებელთა კვალიფიკაციის ამაღლება და თანამედროვე ლაბორატორიით აღჭურვა ათასწლეულის ფონდის მიერ დაფინანსდა. პროექტის ღირებულება 5,5 მლნ აშშ დოლარია.
საქართველოს ტექნიკური გადამზადების ცენტრი 2017 წლის შემოდგომიდან ახალ, ადაპტირებულ შენობაში დაიწყებს ფუნქციონირებას, სადაც სტუდენტები დაეუფლებიან თანამედროვე, შრომის ბაზრის მოთხოვნების შესაბამის პროფესიებს მექანიკური ინჟინრის, ტექნიკოსის, მაღალი ძაბვის ელექტრიკოსის მიმართულებით. ყველა პროგრამა ევროპულ სტანდარტებს შეესაბამება და წარმატებული კურსდამთავრებულები პროფესიული განათლების დიპლომთან ერთად, საერთაშორისო დონეზე აღიარებულ გერმანულ სერტიფიკატს მიიღებენ.