"ტერაბანკის" ოფისთან მეანაბრეები საპროტესტო აქციას მართავენ. აქციის მონაწილეები ბანკისგან ანაბრის თანხის დაბრუნებას ითხოვენ. მათი განცხადებით, როდესაც "ტერაბანკი" ჯერ კიდევ "კორსტანდარტ ბანკი" იყო მათ ბანკში ანაბარი გახსნეს, თუმცა გარკევული პერიოდის შემდეგ ბანკში განუცხადეს, რომ ეს თანხა განულებული იყო.

როგორც დაზარალებული მეანაბრის მედეა ჯაფარიძის ახლობლები ამბობენ, რამდენიმე ოჯახმა 760 ათასი დოლარი შეიტანა ბანკში, თუმცა დღემდე ბანკი არ აპირებს ამ თანხის დაბრუნებას. აქციის მონაწილეების შეფასებით, ეს არის ცუდი მაგალითი, როდესაც ბანკში შეტანილ ანაბარზე ბანკს არ სურს პასუხისმგებლობის აღება.