საქართველოს, მოლდოვასა და უკრაინის საკანონმდებლო ორგანოები ევროკავშირში გაწევრიანებას მოითხოვენ. ამის შესახებ ინფორმაცია მოლდოვას პარლამენტის თავმჯდომარემ, ადრიან კანდუმ დღეს გამართულ ბრიფინგზე გაავრცელა.
მისი თქმით, სამი ქვეყნის პარლამენტის თავმჯდომარემ მოაწერა ხელი ერთობლივ განცხადებას, რომელშიც სთხოვენ ევროპარლამენტს მიიღონ რეზოლუცია, სადაც საქართველოს, მოლდოვასა და უკრაინის ევროკავშირში გაწევრიანების პერსპექტივა იქნება გახმოვანებული.
მოლდოვას პარლამენტის თავმჯდომარის მტკიცებით, შესაბამის განცხადებას ბრიუსელში შემოდგომაზე დაგეგმილ „აღმოსავლეთ პარტნიორობის“ სამიტამდე გააგზავნიან.
„შექმნილ გეოპოლიტიკურ სიტუაციაში, ეს იქნება სტიმული, რათა დასახელებულ სამ ქვეყანაში, რომლებმაც ევროკავშირთან ასოცირების შეთანხმება გააფორმეს, რეფორმები გაგრძელდეს“, - განაცხადა ადრიან კანდუმ.