თბილისი ბრიუსელიდან პასუხს ელოდება.
საქართველოს, უკრაინის და მოლდოვის პარლამენტების თავმჯდომარეების წერილი უკვე ევროპარლამენტშია.
ირაკლი კობახიძის ინიციატივით მომზადებულ წერილში საკანონმდებლო ორგანოების სპიკერები ევროპარლამენტს სთხოვენ, აღმოსავლეთ პარტნიორობის სამიტამდე რეზოლუცია მიიღონ, სადაც სამივე ქვეყნის ევროკავშირში გაწევრიანების პერსპექტივა იქნება ასახული.
წინასწარი შეფასებები პოზიტიურია ევროპელი დეპუტატებისგან, რომლებიც აღმოსავლელი პარტნიორების მხარდამჭერ დოკუმენტზე მუშაობას, სავარაუდოდ, სექტემბრიდან დაიწყებენ.
სიახლეა ისიც, რომ ევროპარლამენტში საქართველოსთან დაკავშირებული ახალი ფორმატი დაინერგება. ქვეყანაში მიმდინარე რეფორმების ამსახველ ანგარიშებს საგარეო ურთიერთობათა კომიტეტში ყოველწლიურად წარადგენენ.
ქეთევან ქარდავა განავრცობს თემას.