შშმ პირების დასაქმება კერძო სექტორში - ამ სახელმწიფო პროექტის ფარგლებში, რომელსაც სოციალური მომსახურების სააგენტო ახორციელებს, ბათუმის ერთ-ერთ სასტუმროში ოთხი პირი დასაქმდა.

ბენეფიციარებს დღეს სოციალური მომსახურების სააგენტოს დირექტორი ზაზა სოფრომაძე შეხვდა და მათ სამუშაო გარემოს გაეცნო.

დასაქმებული შშმ პირები 4 თვის განმავლობაში ისარგებლებენ სუბსიდირების პროგრამით, რაც სახელმწიფოს მხრიდან ხელფასის 50%-ის დაფარვას გულისხმობს, ანუ თუკი პირის ხელფასი 600 ლარია, 300 ლარს სახელმწიფო იხდის, 300-ს კი დამსაქმებელი. მათ დარიცხული ხელფასი არ ებეგრებათ. 4-თვიანი ვადის გასვლის შემდეგ, დამსაქმებელი ბენეფიციარების უნარების მიხედვით გადაწყვეტს, გააგრძლოს თუ არა მათთან სამუშაო ხელშეკრულება.