გოგოხიების ოჯახი 14 დღეა 38 წლის მანუჩარ გოგოხიას უშედეგოდ ეძებს. ოჯახის ახლობლების განცხადებით, გლდანი-ნაძალადევის პოლიციის განყოფილებას მათ რამდენჯერმე მიმართეს, თუმცა ამ დრომდე დაკარგულის მოძებნა ვერ ხერხდება.

დაკარგულის ოჯახის ახლობლები და ნათესავები სამართალდამცავ ორგანოებს უმოქმედებაში ადანაშაულებენ და გამოძიების სწორად წარმართვას მოითხოვენ.

ოჯახის წევრების განცხადებით, მანუჩარ გოგოხია 24 ივლისს დაიკარგა. გაუჩინარების შესაძლო ვერსიებზე მათ საუბარი უჭირთ, თუმცა გარკვეული კითხვები აქვთ დაკარგულის მეგობართან, რომელიც 24 ივლისს მანუჩარ გოგოხიასთან ერთად იმყოფებოდა.