ე.წ. სამხრეთ ოსეთის დე ფაქტო პრეზიდენტი დღეს აფხაზეთში ჩადის. ანატოლი ბიბილოვი ოკუპირებულ სოხუმში რუსეთიდან ჩავა, სადაც “გაზპრომის” წარმომადგენლობასთან შეხვედრა გამართა და ოკუპირებული ცხინვალის გაზიფიკაციასთან დაკავშირებით სამომავლო თანამშრომლობაზე შეთანხმდნენ.
აფხაზეთში ორდღიანი ვიზიტის ფარგლებში დე-ფაქტო ლიდერი ე.წ. ხელისუფლების წარმომადგენლებს შეხვედება, სადაც ორმხრივი თანამშრომლობის საკითხებს განიხილავენ.
ბიბილოვის ვიზიტს ეხმაურება ოფიციალური თბილისი. მმართველი გუნდი დე ფაქტო წარმომადგენლების შეხვედრას საქართველოს სუვერენტიტეტის წინააღმდეგ გადადგმულ ნაბიჯად აფასებს.
ეკა ბესელიას განცხადებით, მსგავს ფაქტებზე რეაგირებისთვის ხელისუფლება სხვადასხვა საერთაშორისო ფორმატებს იყენებს. თუმცა, ოპონენტები ამ კუთხით მთავრობის უმოქმედობაზე საუბრობენ.