ოკუპირებული აფხაზეთისა და ცხინვალის რეგიონის დე-ფაქტო ლიდერები რაულ ხაჯიმბა და ანატოლი ბიბილოვი ერთმანეთს შეხვდნენ. საუბრის მთავარი თემა სეპარატისტულ მთავრობებს შორის სამომავლო თანამშრომლობა იყო.

ამის შესახებ ინფორმაციას ოკუპირებული აფხაზეთის დე ფაქტო პრეზიდენტის რაულ ხაჯიმბას ადმინისტრაციის ვებგვერდი ავრცელებს.

შეხვედრას დე ფაქტო ვიცე-პრეზიდენტი ვიტალი გაბნია და ოკუპირებული აფხაზეთის მინისტრთა კაბინეტის წარმომადგენლები ესწრებოდნენ.

დელეგაციამ 1992-93 წლის მოვლენების დროს დაღუპულების მემორიალი გაგრაში ყვავილებით შეამკო.

საქართველოს ოკუპირებული რეგიონების ორი დე-ფაქტო ლიდერის შეხვედრები ოკუპირებულ სოხუმში ორი დღის განმავლობაში გაგრძელდება.