დღეს საქართველოს 19 წლამდე ფეხბურთელთა ნაკრები ევროპის ჩემპიონატის ჯგუფური ეტაპის გადამწყვეტ შეხვედრას ჩეხეთთან გამართავს.

მნიშვნელოვან მატჩამდე საქართველოს 19-წლამდელთა ნაკრების ფეხბურთელებს ეროვნული ნაკრების წევრებმა, საზოგადოებისთვის ცნობილმა პირებმა და ოჯახის წევრებმა მიმართეს და წარმატება უსურვეს.

გაყიდულია მატჩზე დასასწრები 15 000-მდე ბილეთი. შეხვედრა საღამოს 8 საათზე დაიწყება, რომლის პირდაპირ ტრანსლაციას საზოგადოებრივის პირველი არხი შემოგთავაზებთ.