შავ ზღვაში დღეს უკრაინულ-ამერიკული ერთობლივი სამხედრო წვრთნები Sea Breeze 2017 იწყება.

unian.net-ის ინფორმაციით, სწავლებაში 17 ქვეყნის სამხედრო კონტიგენტი იქნება ჩართული.

მათ შორის, საქართველო, ბელგია, ბულგარეთი, კანადა, საფრანგეთი, საბერძნეთი, იტალია, ლიტვა, მოლდოვა, ნორვეგია, პოლონეთი, რუმინეთი, შვედეთი, თურქეთი, დიდი ბრიტანეთი, შეერთებული შტატები და უკრაინა.

ამერიკის შეერთებული შტატების შეიარაღებული ძალების ევროპული სარდლობის თანახმად, წვრთნებში ასევე ჩართული იქნება ამერიკული სარაკეტო კრეისერები Hue City და Carney, ავიაცია და აშშ-ის სამხედრო-საზღვაო ძალების 800-მდე წარმომადგენელი.

წვრთნებში მონაწილეობის მისაღებად ოდესაში უკვე გადასროლილია ნატოს ორი სამხედრო თვითმფრინავი და თურქეთის სამი სამხედრო ხომალდი.

Sea Breeze 2017 23 ივლისს დასრულდება.