კლინიკა ლანცეტის დირექტორის ადვოკატები ფარმან ჯეირანლის დაკავების პოლიტიკურ მოტივზე საუბრობენ.
მათი თქმით, ჯეირანლი აზერბაიჯანში ხელისუფლების ოპონენტად ითვლება და ოპოზიციური პარტიების დამფინანსებლად მიიჩნევა, თუმცა ადვოკატები მეზობელ ქვეყანაში გავრცელებულ ინფორმაციას უარყოფენ და ლანცეტის დირექტორის უდანაშაულობაზე საუბრობენ.
დაკავებულის არსებითი საქმის განხილვა 12 ივლისს გაიმართება. უკვე ცნობილია, რომ დაცვის მხარე აღკვეთის ღონისძიების გაუქმებას ან გირაოს შეფარდებას მოითხოვს.
იმ შემთხვევაში თუ მოსამართლე მათ შუამდგომლობას არ დააკმაყოფილებს, ადვოკატების განცხადებით, ისინი დარწმუნდებიან, რომ საქართველო აზერბაიჯანის დაკვეთას ასრულებს.
შეგახსენებთ, ჯეირანლი პაციენტებისგან დიდი ოდენობით ფულადი თანხის მოტყუებით დაუფლებისა და სიცოცხლისთვის ან ჯანმრთელობისთვის საფრთხის შემქმნელი გარემოების შესახებ ინფორმაციის დამალვის ფაქტზეა დაკავებული