ე.წ ციანიდის საქმეზე დეკანოზ გიორგი მამალაძის მძღოლი და მეგობარი დაიკითხებიან.
ამის შესახებ საქმის პროკურორმა ზვიად გუბელაძემ სასამართლო სხდომის დაწყების წინ განაცხადა.
როგორც პროკურორმა აღნიშნა, სხდომაზე ასევე დაიკითხება ანალიტიკოსი არჩილ გამზარდია.
პროკურატურა აცხადებს, რომ დაიკითხება ის ადამიანი, რომელსაც ბრალდებულმა გველის შხამი სთხოვა.
"60-ზე მეტი მოწმე დაიკითხა და ბრალდების მხარე ამტკიცებს, რომ ის განზრახ მკვლელობას გეგმავდა. დღეს დაიკითხებიან მოწმეები, რომლებიც ისაუბრებენ სხვადასხვა გარემოებებზე. დაიკითხება არჩილ გამზარდიაც, რადგან ჩვენ ვალდებულები ვართ ყველაფერი ობიექტურად შევისწავლოთ", - განაცხადა საქმის პროკურორმა.
რაც შეეხება დაცვის მხარეს, მათთვის გაუგებარია, რატომ იკითხება მოწმის სახით არჩილ გამზარდია.