ლტოლვილთა სამინისტროდან უარის მიღების შემდეგ, დემირელის კოლეჯის დაკავებული პედაგოგის ადვოკატი სამართლებრივი დავის გაგრძელებისთვის ემზადება.
თურქეთის მიერ ტერორისტულ ორგანიზაციასთან კავშირში ბრალდებული მუსტაფა ჩაბუქის დაცვის მხარისთვის უსაფუძვლოა არგუმენტები, რომელთა გამო დაკავებულ ჩაბუქს ლტოლვილის სტატუსი არ მიანიჭეს.
სოზარ სუბარის უწყება ერთ-ერთ მოტივად საერთაშორისო ორგანიზაციების ანგარიშებს ასახელებს, თუმცა ამავე დასკვნებს განსხვავებულად აღწერს ჩაბუქის ადვოკატი. მის პოზიციას იზიარებს არასამთავრობო სექტორიც, რომელიც ხელისუფლებას ჩაბუქის თურქეთისთვის გადაცემის შემთხვევაში მოსალოდნელ საფრთხეებზე აფრთხილებს.
თუ დაკავებული პედაგოგი ლტოლვილის სტატუსს მიიღებდა, მისი ექსტრადირების საკითხი დღის წესრიგიდან ავტომატურად იხსნებოდა.