ფოტოგრაფებზე განხორციელებულ ზეწოლაზე ეკა ბესელია საუბრობს. საქალაქო სასამართლოში დეპუტატი ეკა ბესელია მოწმის სტატუსით დაიკითხა, რადგან ის გიორგი აბდალაძის ადვოკატი იყო.
ბესელიას თქმით აბდალაძე მას დახმარებას სთხოვდა და დიდი ფსიქოლოგიური ზეწოლის ქვეშ იმყოფებოდა. დღესვე კონტრდაზვერვის ყოფილი მაღალჩინოსანი დავით დევნოზაშვილი დაიკითხა, რა დროსაც დაცვის მხარის შუამდგომლობის საფუძველზე პროცესი დაიხურა.
ფოტოგრაფები: გიორგი აბდალაძე, ზურაბ ქურციკიძე და ირაკლი და ნათია გედენიძეები შსს-ს კონტრდაზვერვის დეპარტამენტმა 2011 წლის 7 ივლისს დააკავა. მათ ჯაშუშობაში ადანაშაულებდნენ.
პროკურატურამ ე.წ. ფოტოგრაფების საქმეზე გამოძიება ხელისუფლების შეცვლის შემდეგ ხელახლა დაიწყო და 2016 წელს გახსნა. საქმის არსებითი განხილვა თბილსიის საქალაქო სასამართლოში ამ დრომდე გღძელდება. შემდეგი პროცესი 17 ივნისს დაინიშნა.