დასავლეთ ევროპაში მუსლიმთა ანტიტერორისტული აღლუმი მიმდინარეობს. ფრანგი, ბელგიელი და ბრიტანელი იმამების ინიციატივით დაგეგმილი გამოსვლის მიზანი ევროპაში ტერაქტების ფონზე მზარდი ისლამოფობიის მშვიდობიანი გზით შეზღუდვაა.

აღლუმი პარიზში დაიწყო და ბოლო სამი წლის განმავლობაში ტერაქტების სამიზნედ ქცეულ მეგაპოლისებში გაგრძელდება.

მშვიდობიან აქციას რამდენიმე არამუსლიმი მწერალიც შეუერთდა. აღლუმის მონაწილეებმა ჯიჰადისტემის მიერ ორგანიზებული ტერორისტული აქტების ადგილზე ყვავილები მიიტანეს და გარდაცვლილთა ხსოვნისადმი ლოცვა აღავლინეს.