თურქეთის ქალაქ კონიაში ჩატარებული ანტი-ტერორისტული ოპერაციის დროს პოლიციამ ე.წ. „ისლამური სახელმწიფოს“ ხუთი მებრძოლი მოკლა. სპეცოპერაციის დროს ოთხი სამართალდამცველი მსუბუქად დაშავდა.

თურქული მედიის ინფორმაციით, ანტი-ტერორისტული ოპერაცია საცხოვრებელ სახლში ჩატარდა, რადგან პოლიცია ვარაუდობდა, რომ რადიკალი ისლამისტები ტერორისტულ აქტს გეგმავდნენ.

ოპერაციის ფარგლებში სახლში მყოფმა ადამიანებმა პოლიციას წინააღმდეგობა გაუწიეს და ცეცხლი გაუხსნეს. შემთხვევის ადგილიდან სამართალდამცველებმა „კალაშნიკოვის“ სისტემის ავტომატური ცეცხლსასროლი იარაღები და სხვა სახის შეიარაღება ამოიღეს.

თურქეთის პოლიციამ სპეცოპერაციის დროს რამდენიმე ადამიანიც დააკავა.