"ლანცეტის" დირექტორი ფარმენ ჯეირანლი მოსამართლე ვახტანგ მრელაშვილმა პატიმრობაში დატოვა.

ბრალდებულმა სასამართლოზე განცხადებაც გააკეთა და აღნიშნა, რომ საქართველოს პროკუურატურა მას აზერბაიჯანის პრეზიდენტის ალიევის დაკვეთით დევნის.

"მე ვარ ალიევის პირადი მძევალი და პატიმარი, მეც და ის 6 ადამიანიც, ვინც დაკავებულია (მუხტარლი და სხვები) დიქტატორ ალიევის დაკვეთით იდევნება, მე ექიმი ვარ და არანაირ პოლიტიკასთან არ მაქვს შეხება. კლინიკაში როდესაც პაციენტი მოდის, მისი პოლიტიკური წარმომავლობით არ ვინტერესდები, საქართველოს პროკურატურა ალიევის დაკვეთით პოლიტიკურად მდევნის, საქმეს, რომელსაც მედავებიან არავითარი სამართლებრივი საფუძველი არ აქვს " - განაცხადა ბრალდებულმა.

როგორც სხდომის დასრულების შემდეგ პროკურორმა განმარტა, 25 ივლისს, როდესაც საქმეზე არსებითი განხილვა დაიწყება, ბრალდების მხარე არმან ჯეირანლის ბრალეულობას სრულად დაადასტურებს.

რაც შეეხება ბრალდებულის ადვოკატს გელა ნიკოლაიშვილის თქმით, დაცვა ჯეირანლისთვის აღკვეთი ღონისძიების საერთოდ გაუქმებას ითხოვდა, თუ ეს მოთხოვნა არ დაკმაყოფილდებოდა დაცვა სასამართლოს 100 000 ლარიან გირაოს სთავაზობდა.