კახეთში ფერმერები ატმის რეალიზაციას ვერ ახერხებენ. ამ დროისთვის ხილს მხოლოდ გორში მდებარე კულას ქარხანა იბარებს. თავად კახეთში კი ერთადერთი გადამამუშავებელი ქარხანა ჯერ გაჩერებულია.

საწარმოს ასამუშავებლად ადგილზე უცხოეთიდან ტექნიკურ ნაწილებს ელოდებიან. მოსახლეობას კი ატამი უფუჭდება. მათ პროდუქციის ნაწილის გადაყრაც კი უწევთ.

შემცირებულია ექსპორტიც. სოფლის მეურნეობის სამინისტროში ფერმერებს კოოპერატივებში გაერთიანებისკენ მოუწოდებენ, რაც უწყების ცნობით, მათ ხილის რეალიზაციაში დაეხმარება.