უკრაინამ ევროკავშირთან „მარშალის გეგმის“ მსგავსი ეკონომიკური დახმარების პროგრამის შემუშავების შესაძლებლობა განიხილა. ამის შესახებ უკრაინის პრეზიდენტმა განაცხადა.
პეტრო პოროშენკოს თქმით, მსგავსი გეგმა უკრაინის სტაბილიზაციას და ეკონომიკურ განვითარებას შეუწყობს ხელს. უკრაინის პრეზიდენტი ფიქრობს, რომ ევროკავშირიდან ბრიტანეთის გასვლამ ოფიციალური კიევისა და ევროკავშირის ურთიერთობაზე გავლენა არ უნდა მოახდინოს.
პოროშენკომ ასევე აღნიშნა, რომ უკრაინისა და ევროკავშირის შემდეგი სამიტის დონეცკსა და იალტაში ჩატარებაზე ოცნებობს.
12-13 ივლისს კიევში უკრაინა-ევროკავშირის სამიტი და პლენარული სხდომა ჩატარდა. დღის წესრიგის მთავარი თემები უკრაინის აღმოსავლეთში მიმდინარე კონფლიქტი, ქვეყნის რეფორმების რეალიზაცია და ევროკავშირთან ასოცირების შეთანხმების განხორციელება იყო.