ქობულეთის სანაპიროზე, ზღვაში, ფეკალური მასები აღარ მოხვდება. საკანალიზაციო სისტემის გამწმენდი ნაგებობა ექსპლუატაციაში შევიდა. პროექტის საერთო ღირებულება 5 მილიონ 800 000 ლარზე მეტია და იგი ევროპის რეკონსტრუქციისა და განვითარების ბანკისა მხარდაჭერით განხორციელდა.

ტექნიკური აღჭურვილობა მუნიციპალური განვითარების ფონდმა ჰოლანდიის მთავრობის გრანტით შეიძინა.

რეგიონული განვითარებისა და ინფრასტრუქტურის სამინისტრო 2020 წლამდე ბიოლოგიურად გამწმენდი 27 ნაგებობის მშენებლობას გეგმავს.