"ქრონიკა პლუსის" რედაქტორის ელისო კილაძის შვილი დავით ხარშილაძე მოსამართლე ხათუნა ხარჩილავამ სასამართლო დარბაზიდან გირაოთი გაათავისუფლა.
მოსამართლემ აღკვეთის გადასინჯვის გადაწყვეტილება დღევანდელ სხდომაზე საკუთარი ინიციატივით მიიღო.
დაცვის მხარემ სასამართლოს ამის შემდეგ 15000-ლარიანი გირაო შესთავაზა.
ბრალდების მხარის განცხადებით კი, აღკვეთის ღონისძიებად კვლავ პატიმრობა უნდა დარჩენილიყო, რადგან, მისი თქმით, არსებობს ბრალდებულის მიმალვის საფრთხე.
ხარშილაძის უფლებადამცველების განცხადებით, ბრალდებული არც მიმალვას აღიარებს და არც გამოძიებისთვის აპირებს თავის არიდებას.
ნათია კოტრიკაძის განცხადებით, დავით ხარშილაძე უნდა გათავისუფლდეს პატიმრობიდან. უფლებადამცველების თქმით, ბოლო პერიოდში მსგავს დანაშაულზე დაკავებული პირები სასამართლომ ზოგი გაამართლა, ზოგი კი გირაოთი გაათავისუფლა.
დღევანდელ სხდომაზე ბრალდებულმა დავით ხარშილაძემ სასამართლოს საკუთარი ინიციატივით ჩვენება მისცა და დაკავების დეტალები გაიხსენა.