ივლისი 14, 2017
118
ახალი ბანერი შიდა ქართლში ამჯერად ოკუპაციის გასაპროტესტებლად დამონტაჟდა.
„სახელმწიფო საზღვრამდე 101 კილომეტრია“ - ამ წარწერით მწვანე ბანერი საოკუპაციო ზოლის სიახლოვეს ბერშუეთში, გამართული აქციის მონაწილეებმა დატოვეს.
„არა ოკუპაციას"- ამ სლოგანით ბერშუეთში დღეს ჟურნალისტები და სამოქალაქო აქტივისტები შეიკრიბნენ.
ე.წ. საზღვრის ახალი მანიშნებლიდან რამდენიმე ასეული მეტრის მოშორებით, აქციის მონაწილეებმა ერთიანობის სიმბოლოდ ჯაჭვი შეკრეს და საქართველოს ჰიმნი შეასრულეს.
აქციის მონაწილეების ერთი ჯგუფი საოკუპაციო ზოლში დამონტაჟებულ ბანერებთან მიახლოებას შეეცადა. თუმცა, სამართალდამცავებმა მათ ამის საშუალება არ მისცეს. აქციის უსაფრთხოებას სამართალდამცავები უზრუნველყოფდნენ.
მაჩვენე მეტი