თბილისის საქალაქო სასამართლომ დააკმაყოფილა ბრალდების მხარის მოთხოვნა და ოთარ აბესაძეს აღკვეთის ღონისძიებად პატიმრობა შეეფარდა.

საქმეზე წინასასამართლო სხდომა 31 აგვისტოს 11:00 საათზე ჩაინიშნა.

გადაწყვეტილების არგუმენტად მოსამართლე მოწმეებზე ზემოქმეებისა და მიმალვის საფრთხეს ასახელებს.

ბრალდებული ოთარ აბესაძე სასამართლოზე სიტყვით გამოვიდა და განაცხადა, რომ დუმილის უფლებას იყენებს, თუმცა ეს იმას არ ნიშნავს, რომ გამოძიებასთან არ ითანამშრომლებს. აბესაძემ აღნიშნა, რომ სურს მოუბოდიშოს ოჯახს, მეგობრებსა და საზოგადოებას.

ბრალდების მხარემ აღკვეთის ღონისძიებად პატიმრობა მოითხოვა, ხოლო ადვოკატებმა - გირაო 15 ათასი ლარის ოდენობით.

ოთარ აბესაძეს ბრალი ოფიციალურად 13 ივლისს წარუდგინეს. დედაქალაქის მერიის თანამშრომელს, სახელმწიფო უსაფრთხოების სამსახური სამი ათასი დოლარის ოდენობით ქრთამის აღებას ედავება.