„ჯემ ფესტი-2017-ის“ უსაფრთხოების საკითხებზე შს მინისტრის მოადგილემ სამუშაო შეხვედრა ჩაატარა. ანაკლიაში მიმდინარე შეკრებას აშშ-ის ანტინარკოტიკული და სამართალდამცავ ორგანოებთან ურთიერთობის საერთაშორისო ბიუროს წარმომადგენელი, ფესტივალების დაგეგმარებისა და კოორდინაციის ექსპერტი, შსს-ს სხვადასხვა დანაყოფის თანამშრომლები, სამეგრელო-ზემო სვანეთის გუბერნატორის ადმინისტრაციის წარმომადგენლები და ფესტივალის ორგანიზატორები ესწრებოდნენ.

მერაბ მალანიამ ამერიკელ ექსპერტებს ფესტივალის უსაფრთხოების გეგმა, საპოლიციო ძალების გადანაწილება, შსს-ს სტრუქტურულ დანაყოფებს შორის კოორდინაციის სქემა გააცნო და ფესტივალისთვის განსაზღვრული ტერიტორია დაათვალიერებინა.