მექსიკის შტატ იდალგოში, ერთ-ერთ საცხოვრებელში, 11 ადამიანის ცხედარი აღმოაჩინეს. დაღუპულთა შორის შვიდი ქალი და ოთხი მამაკაცია, მათ შორის 2 არასრულწლოვანი.

გავრცელებული ინფორმაციით, მასობრივ მკვლელობას ადგილობრივ ნარკოკარტელთა ანგარიშსწორებას უკავშირებენ.

შტატის პროკურორის განცხადებით, დაღუპულებს ცივი იარაღით მიყენებული ჭრილობები აღენიშნებათ.

თავდასხმა ოჯახის ერთ-ერთი წევრის დაბადების დღის აღსანიშნავი წვეულების დროს მოხდა, რა დროსაც შენობაში კიდევ 4 მცირეწლოვანი იმყოფებოდა, თუმცა პროკურორის განცხადებით, თავდამსხმელებს მათთვის ზიანი არ მიუყენებიათ.