პერუს ყოფილ პრეზიდენტს, ოლიანტა უმალასა და მის მეუღლეს, ნადინ ერედიას ფულის გათეთრების ბრალდებით 18-თვიანი წინასწარი პატიმრობა შეეფარდათ. წყვილი პოლიციას ჩაბარდა, თუმცა არცერთი მათგანი დანაშაულს არ აღიარებს.

ბრალდების მხარის ინფორმაციით, ოლიანტა უმალამ 2011 წელს წინასაარჩევნო პერიოდში დიდი ოდენობით თანხა გაათეთრა, რაშიც მას მისი მეუღლე ეხმარებოდა. ბრალის დამტკიცების შემთხვევაში, ყოფილ პრეზიდენტსა და პირველ ლედის 15 წლით თავისუფლების აღკვეთა ემუქრებათ.

ოლიანტა უმალას პერუს პრეზიდენტის პოსტი 2011-2016 წლებში ეკავა.