ამერიკის შეერთებული შტატების პრეზიდენტი დონალდ ტრამპი და ემანუელ მაკრონი საერთაშორისო პოლიტიკაში მიმდინარე პროცესებსა და ტერორიზმის წინააღმდეგ ბრძოლაში საერთო პოზიციაზე შეთანხმდნენ.

აზრთა სხვადასხვაობა ორი ქვეყნის ლიდერებს შორის კლიმატური ცვლილებების პარიზის შეთანხმებასთან დაკავშირებით გამოიკვეთა. ამის მიუხედავად, დონალდ ტრამპმა ხაზგასმით აღნიშნა, რომ ამერიკის ერთგული პარტნიორი ევროკავშირში საფრანგეთია.

შეერთებული შტატების პრეზიდენტს ფრანგმა კოლეგამ მეუღლესთან ერთად ელისეის სასახლეში უმასპინძლა, შემდეგ კი ეიფელის კოშკზე პირველმა პირებმა მეუღლეებთან ერთად ივახშმეს.

ორდღიანი პარიზული ტურნეს ფარგლებში, დონალდ ტრამპი ბასტილიის აღების დღისადმი მიძღვნილ ღონისძიებებს დაესწრება.