მდუმარე აქცია, რომელიც დღევანდელი მსვლელობის „ქართველთა მარშის“ გამო სოფელ ბერშუეთში დაიგეგმა.
,,ქვეყნის მთავარი მტერი რუსეთი და არა საქართველოში კანონიერად მცხოვრები უცხოელები არიან” - ასეთი უნდა იყოს მდუმარე აქციის მონაწილეთა მთავარი გზავნილი.
ეს დღეს სოფელ ბერშუეთში გამართული უკვე მეორე აქცია იქნება. მცოცავი ოკუპაციის გასაპროტესტებლად გორის რაიონის სოფელ ბერშუეთში პოლიტიკოსების, ჟურნალისტების, და სამოქალაქო აქტივისტების ნაწილი დღეს დილითაც შეიკრიბა.
აქციის მონაწილეებმა 10 დღის წინ აღმართულ ე.წ. საზღვრის აღმნიშვნელ ბანერთან ახალი ბანერი დატოვეს. მწვავეა დიპლომატების გზავნილებიც. უკანონო ბორდერიზაციას კიდევ ერთხელ გმობს აშშ-ის ელჩი, რომელმაც საქართველოს მხარდამჭერი განცხადებები კასპის რაიონის სოფელ ყარაფილაში აღმართულ საოკუპაციო ბანერთან გააკეთა.