ბათუმის ბულვარში, სანაპიროზე საკურორტო სეზონთან დაკავშირებით, მოძრავი ამბულატორია წელსაც ამოქმედდა. მედიკოსთა ერთი ეკიპაჟი და მოძრავი ამბულატორია დამსვენებელს პირველად სამედიცინო დახმარებას ადგილზე აღმოუჩენს, საჭიროების შემთხვევაში კი მის ჰოსპიტალიზაციასაც უზრუნველყოფს. აქვე მსურველებს შეუძლიათ C ჰეპატიტზე უფასო სკრინინგი ჩაიტარონ.
სასწარაფო დახმარებიც ცენტრი და მოძრავი ამბულატორია დღეს საქართველოს ჯანდაცვის მინისტრმა დავით სერგეენკომ მოინახულა.
„ჩვენი თხოვნა იქნება ყველამ გამოიყენოს ეს შესაძლებლობა და ჩაიტაროს სკრინინგი. უკვე მეორე წელია, რაც ეს აქტივობა ხორციელდება და რამდენიმე ათეული ადამიანის ჯანმრთელობა და სიცოცხლე შეინარჩუნა ამ ცენტრმა. გადაუდებელი დახმარების მხრივ არავის არ ვანსხვავებთ, რომელი ქვეყნიდანაც არ უნდა იყოს ტურისტი, გადაუდებელ სამედიცინო დახმარებას ყველას აღმოვუჩენთ, რაც შეეხება სკრინინგს და C ჰეპატიტზე მკურნალობა, ეს მხოლოდ საქართველოს მოქალაქეებისთვის არის გათვალისწინებული“,-განაცხადა დავით სერგეენკომ.
მოძრავი ამბულატორია და სასწრაფო სამეცინო დახმარების ეკიპაჟი ბათუმის ბულვარში საკურორტო სეზონის დასრულებამდე დარჩება.