თბილისში შეკრებილები საიმიგრაციო კანონის გამკაცრებას ითხოვდნენ. ქვეყნიდან არალეგალების წასვლა, უცხოელებისთვის ბინადრობისა და მოქალაქეობის მინიჭების პროცესის გამკაცრება, - ამ მოთხოვნებით ქუჩაში გამოსულმა მოძრაობა ,,ეროვნულების” წევრებმა აქციას „ქართველთა მარში“ უწოდეს და პეტიციაც შეიმუშავეს.

მოძრაობის წევრები ასევე აცხადებენ, რომ არასამთავრობო ორგანიზაციებს უცხოეთიდან დაფინანსების მიღება უნდა შეეზღუდოთ. კიდევ ერთი მოთხოვნა „ნაციონალური მოძრაობის“ აკრძალვაა.

აღმაშენებლის გამზირზე შეკრებილები მოთხოვნების შესასრულებლად ხელისუფლებას ერთკვირიან ვადას აძლევენ, წინააღმდეგ შემთხვევაში, პერმანენტული აქციებით იმუქრებიან.