10 საათზე მეტხანს გაგრძელდა სხდომა ე.წ. ციანიდის საქმეზე. ჯამში პროკურატურამ 10 მოწმე დაკითხა. სასამართლო განხილვაზე ბრალდებამ მოწმეების სახით პირველად მოიყვანა სასულიერო პირები.

მათ შორის იყვნენ - მამა დავით ჭინჭარაული, მეუფე ანდრია გვაზავა და პატრიარქის მდივანი მიქაელ ბოტკოველი. მათ მედიასთან კითხვების შინაარსზე და კონკრეტულ დეტალებზე არ უსაუბრიათ,

თუმცა განაცხადეს, რომ ორივე მხარის შეკითხვებს ამომწურავი პასუხი გასცეს. მიქაელ ბოტკოველის განმარტებით, დაკითხვაზე მისვლა საპატრიარქოში მის თანამდებობას უკავშირდებოდა.

შეკითხვებზე პასუხის გაცემა მოუწია მეუფე იაკობს და შორენა თეთრუაშვილს. პატრიაქრის მდივან –რეფერენტი სასამართლოში დაცვასთან ერთად მივიდა და შენობა კომენტარის გარეშე დატოვა.

პროკურორების განცხადებით, თეთრუაშვილს, როგორც ჩვენებიდან გახდა ცნობილი, დეკანოზისათვის ციანიდი არ უთხოვია და არც ფული გადაუცია.

განსხვავებული იყო ადვოკატების შეფასებები. მომდევნო სხდომა ე.წ. ციანიდის საქმეზე 18 ივლისს ჩაინიშნა.