ამერიკის შეერთებული შტატების საფეხბურთო ლიგაში გადასულმა ვაკო ყაზაიშვილმა ახალ კლუბში სადებიუტო შეხვედრა ჩაატარა.

15 ივლისს „ავაია სტედიუმზე“ „სან ხოსემ“ ბუნდესლიგის გუნდს, ფრანკფურტის „აინტრახტს“ ამხანაგურ შეხვედრაში უმასპინძლა და დიდი ანგარიშით, 4:1 დაამარცხა.

საქართველოს ნაკრების ფეხბურთელი მოედანზე 63-ე წუთზე გამოჩნდა.

ყაზაიშვილმა, რომელიც „სან ხოსემ“ გასულ კვირას წარადგინა, მატჩი მაღალ დონეზე ჩაატარა.

ქართველმა ფეხბურთელმა რამდენჯერმე თამაში გაამწვავა, შეხვედრის ბოლო წუთზე გოლის გატანაც შეეძლო და კომენტატორების მოწონება დაიმსახურა.