აბასთუმნის სკოლის დირექტორსა და პედაგოგებზე განხორციელებულ ზეწოლაზე საუბრობენ „ევროპულ საქართველოში“
სოფელ აბასთუმნის საჯარო სკოლის დირექტორსა და პედაგოგებზე განხორციელებულ ზეწოლასა და შანტაჟზე საუბრობენ „ევროპულ საქართველოში“.
სპეციალურად გამართულ პრესკონფერენციაზე სერგო რატიანმა განაცხდა, რომ ადგილზე ვითარება უკიდურესად დაძაბულია. მისი განმარტებით, სოფელ აბასთუმნის საჯარო სკოლა რძის საწარმოს ყოფილ შენობაშია განთავსებული, რომლის მეპატრონეც სკოლის ხელმძღვანელობასა და პედაგოგებზე ზეწოლას ახორციელებს.
საუბარია 7 მასწავლებელზე, რომელთაგან ერთი რამდენიმე დღის წინ სამსახურიდან უკანონოდ დაითხოვეს.
თავად სკოლის შენობის მეპატრონე პედაგოგებთან დაპირისპირებას ადასტურებს, თუმცა აცხადებს, რომ ამ საკითხს შენობასთან კავშირი არ აქვს. მფლობელი ამბობს, რომ მას არც შენობის დანიშნულების შეცვლა სურს.
რაც შეეხება გათავისუფლებულ პედაგოგს, სკოლის დირექტორის განმატებით, ის სამსახურიდან დისციპლინური გადაცდომების გამო დაითხოვეს. ვითარების შესახებ ინფორმირებულია განათლების სამისნიტრო, სადაც აცხადებენ, რომ საკითხის დეტალურად შესწავლა მიმდინარეობს.