2016 წლის 17 ივლისს ოპოზიციონერ ჟირაირ სეფილიანის მხარდამჭერი შეიარაღებული ჯგუფი ერევანში საპატრულო პოლიციის შენობაში შეიჭრა და დედაქალაქში ამბოხების დაწყების შესახებ განაცხადა.
შეირაღებული დაჯგუფება, რომლის შემადგენლობაში 30-ზე მეტი ადამიანი შედიოდა, პრეზიდენტის გადაყენებას და პატიმრობიდან ოპოზიციონერი ჟირაირ სეფილიანის გათავისუფლებას ითხოვდა.
საპატრულო პოლიციის შენობის დაკავების დროს 46 ადამიანი დაშავდა, მათგან 26 პოლიციის თანამშრომელი. ამბოხების მცდელობის დროს პოლიციის სამი თანამშრომელი მოკლეს.
აქტიური მოლაპარაკებების შედეგად, შეიარაღებული დაჯგუფების წევრებმა იარაღი 31 ივლისს ჩააბარეს.
დაკავებულების წინააღმდეგ დაწყებული გამოძიება დასრულებულია და 32 ადამიანს ბრალად რამდენიმე დანაშაულის ჩადენა ედებათ.
სომხური მედიის ინფორმაციით, შეიარაღებული ჯგუფის მხარდამჭერები ერევანში მსვლელობას გამართავენ. მოკლული პოლიციელების პატივსაცემად კი, სომხეთის პოლიცია ძეგლის აღმართვას გეგმავს.