"ამბასადორიალი 2017"-ზე დიპლომატებსა და საქართველოს პრეზიდენტს შორის შეხვედრა მიმდინარეობს. შეხვედრაზე ძირითადი განსახილველი თემა ოკუპაცია, რუსეთის ქმედებები და ამ კუთხით საქართველოს მიერ დაგეგმილი ნაბიჯებია.

საგარეო საქმეთა მინისტრის პირველი მოადგილის, დავით ზალკალიანის განცხადებით, გარდა ამ საკითხისა საუბარი ასევე შეეხება საგარეო პრიორიტეტებს.

„ალბათ ამ სესიაზე უფრო ფართო მსჯელობა გვექნება ყველა ამ საკითხზე, საინტერესოა პრეზიდენტის პოზიცია. მნიშვნლოვანია, რომ ბოლო პერიოდში განვითარებული მოვლენები, კერძოდ ოკუპირებული ხაზის გასწვრივ მიმდინარე არა კანონიერ ქმედებებზე საერთაშორისო თანამეგობრობის მობილიზაცია. ეს იქნება ერთ-ერთი განსახილველი საკითხი, თუ როგორ მოვახდინოთ ეფექტურად ჩვენი მხარდამჭერების კონსოლიდაცია, პარტნიორი ქვეყნების, საერთაშორისო ორგანიზაციების. პრეზიდენტს გავუზიარებთ იმ გამოცდილებას, რმნელიც საანგარიშო პერიოდის განმავლობაში გვქონდა ამ კუთხით დ ასევე იქნება საუბარი მომავალ გეგმებზე, რადგანაც აუცილებელია, რომ ის გეგმები, რა გეგმებიც ჩვენ გვაქვს საერთაშორისო თანამეგობრობის თვალსაზრისით, კიდევ უფრო გამყარდეს და გაძლირდეს, რადგანაც ახალ გამოწვევებს კიდევ უფრო ახლებური მიდგომები დასჭირდება, ყველა ამ საკითხზე გვექნება მსჯელობა“,- აღნიშნა მინისტრის მოადგილემ.

მისივე თქმით, ევრიონტეგრაციისა და ნატო-ში ინტეგრაციის პროცესები იქნება განსახილველი საკითხების ერთ-ერთი მთავარი მიმართულება.

„ამ მიმართულებით ჩვენ ვაქვს სერიოზული პროგრესი, როგორც ასოცირების ხელშეკრულების შესრულების თვალსაზრისით, ისე ვიზალიბერალიზაცია დიდი წარმატება იყო, ამიტომ მომავალ გეგმებზე ვისაუბრებთ, თუ რა იქნება შემდეგი ნაბიჯი და ასევე მოახლოებული აღმოსავლეთპარტნიორობის სამიტი, რომელიც ჩვენთვის არის უახლოესი მნიშვნელოვანი მოვლენა ამ კუთხით და რა თქმა უნდა ნატო, აშშ-სთან თანამშრომლობა. უახლოეს პერიოდში ველოდებით ამერიკის ვიცე-პრეზიდენტის ვიზიტს, აშშ-სთან გვაქვს სტრატეგიული პარტნიორობის ქარტია და პრეზიდენტს ჩვენს პოზიციებს მოვახსენებთ ამ სტრატეგიული ქარტიის ფორმატში განვითარებულ მოვლენებთან დაკავშირებით," - განაცხადა დავით ზალკალიანმა.