საქართველო უვე დიდი ხანია, არის „ისლამური სახელმწიფოს“ წინააღმდეგ მებრძოლი საერთაშორისო კოალიციის წევრი და აგრძელებს მჭიდრო თანამშრომლობას აშშ-თან კონტრტერორიზმთან დაკავშირებულ საკითხებზე, - ამის შესახებ ნათქვამია აშშ-ის სახელმწიფო დეპარტამენტის ანგარიშში, რომელიც ტერორიზმს ეხება.
ანგარიშში აღნიშნულია, რომ საქართველო რჩება ვაშინგტონის მნიშვნელოვან პარტნიორად.
ანგარიშში ნათქვამია, რომ თბილისის სასამართლომ 12 წელი მიუსაჯა დავით ბოჭორიშვილს, რომელიც ტერორისტული ორგანიზაციის წევრობაში დამნაშავედ ცნეს.
"საქართველოს მთავრობა ამერიკის შეერთებულ შტატებთან და რეგიონულ პარტნიორებთან ინფორმაციის გაცვლის კუთხით თანამშრომლობას აგრძელებს", - აღნიშნულია ანგარიშში.
დოკუმენტში აღნიშნულია პროგრესი, რომლესაც საქართველომ მიაღწია ექსტრემიზმთან ბრძოლის ეროვნული პროგრამის განხორციელებაში. პრესაში გავრცელებული ცნობებით, მხოლოდ შარშან საქართველოს 50-დან 100-მდე მოქალაქე იბრძოლა სირიასა და ერაყში.
"საქართველოს გეოგრაფიული ადგილმდებარეობის გათვალისწინებით, საქართველო რჩება ისლამური ექსტრემიზმის სატრანზიტო ქვეყნად, რუსეთის ფედერაციის ჩრდილოეთ კავკასიის რეგიონს, ერაყს, სირიას და თურქეთს შორის", - აღნიშნულია დოკუმენტში.