დონბასში, კრასნაგოროვსკის რაიონში ბოლო 24 საათის განმავლობაში ცხრა უკრაინელი ჯარისკაცი დაიღუპა, რამდენიმე კი დაიჭრა. ინფორმაცია უკრაინის თავდაცვის სამინისტროს საგანგებო ბრიფინგზე გავრცელდა.

დაჭრილების ზუსტი რაოდენობა ამ დრომდე უცნობია.

უკრაინის თავდაცვის უწყების პრესსპიკერმა ანდრეი ლისენკომ განაცხადა, რომ ცეცხლი სეპარატისტების მიერ კონტროლირებადი ტერიტორიიდან უკრაინის ჯარის მიმართულებით ღამის 04:00 საათზე გახსნეს.

ბოლო ორი წლის განმავლობაში, აღმოსავლეთ უკრაინაში რუსეთის მიერ დაფინანსებულ სეპარატისტებთან მიმდინარე საბრძოლო მოქმედებების შედეგად, 2700 უკრაინელი ჯარისკაცი დაიღუპა, 10 ათასზე მეტი დაიჭრა.