დონალდ ტრამპი შეერთებული შტატების მთავრობაში მყოფი იმ პირების გამოაშკარავებას ითხოვს, ვინც ამერიკულ მედიას, ანონიმური წყაროს სახით, ინფორმაციას აწვდის.
პრეზიდენტმა ამის შესახებ სოციალურ ქსელ თვითერში დაწერა. მისი განცხადება „ვაშინგტონ პოსტში“ გამოქვეყნებულ სტატიას მოჰყვა, სადაც საუბარია ამერიკის შეერთებული შტატების მთავარ პროკურორ ჯეფ სეშენსა და ამერიკაში რუსეთის ელჩ სერგეი კისლიაკს შორის შემდგარ დიალოგზე.
„ვაშინგტონ პოსტი“ შეერთებული შტატების მთავრობაში მყოფ ანონიმურ პირებზე დაყრდნობით წერს, რომ რუსმა დიპლომატმა საპრეზიდენტო არჩევნებამდე რამდენიმე თვით ადრე სეშენის საშუალებით ტრამპს, გამარჯვებაში ხელშეწყობის სანაცლოდ, რუსეთთან პოლიტიკის გადახედვა შესთავაზა. პრეზიდენტმა ამერიკული გამოცემა სიცრუეში დაადანაშაულა.